തമിഴിൽ ഞാൻ ഇതുവരെ പാടിയിട്ടില്ല, ഒരൊറ്റ പാട്ടിലാണ് അവസരം ലഭിച്ചത്, എന്നാൽ അവസാന നിമിഷം അത് നഷ്ടമായി, ആ പാട്ടാണ് അപ്പടി പോട്, പോട്: റിമി ടോമി
എനിക്ക് ജീവിതത്തില്‍ പറ്റിയ വലിയ നഷ്ടം ഞാന്‍ ഇതുവരെ തമിഴില്‍ പാടിയിട്ടില്ല. തെലുങ്കില്‍ പാടി, ഒരു പാട്ടെ പാടിയിട്ടുള്ളു ചിങ്ങമാസത്തിന്റെ. തമിഴില്‍ ഇത് വരെ പാടിയിട്ടില്ല. പക്ഷെ പാടാന്‍ വേണ്ടി, ഒരു പാട്ട് പാടാന്‍ വേണ്ടി സൂര്യ ഫിലിംസ് എന്ന ഒരു ബാനര്‍ ആണെന്ന് തോന്നുന്നു എന്നെ വിളിച്ചു. ഞങ്ങള്‍ ഫാമിലി ആയിട്ട് പപ്പ, അമ്മ, അനിയത്തി, അനിയന്‍ എല്ലാവരും കൂടി പോയി. അപ്പോള്‍ റക്കോര്‍ഡിങ്ങിന്റെ തലേ ദിവസം തന്നെ പോയി.ഞങ്ങള്‍ക്ക് പാടാന്‍ വെച്ചിരിക്കുന്ന പാട്ടിന്റെ ലിറിക്‌സ് പൂര്‍ണ്ണമായും കഴിഞ്ഞിട്ടില്ല. അടുത്ത ദിവസം കൂടെ നില്‍ക്കാമോ എന്നാണ് അവര്‍ ചോദിച്ചത്.
എന്നാല്‍ ആ സമയത്ത് ഒരു രക്ഷയും ഇല്ലായിരുന്നു. രാജസേനന്‍ സാറിന്റെ പറഞ്ഞ് ഏല്‍പ്പിച്ച ഒരു പ്രോഗ്രാം പുനലൂര്‍ എടുത്ത് വെച്ചിരിക്കുക ആണ്. പ്രോഗ്രാം എടുത്താല്‍ എന്ത് ഇനി ആകാശം ഇടിഞ്ഞു വീണാലും ആ സ്ഥലത്ത് നമ്മള്‍ എത്തണം. അപ്പോള്‍ മുരുകന്‍ ചേട്ടന്‍ ചോദിച്ചു ഒരു ദിവസം കൂടി ഒന്ന് നിന്നിട്ട് പോയാല്‍ നിങ്ങള്‍ക് ഈ പാട്ട് പടിയിട്ട് പോകാം. പാടാന്‍ പറ്റാതെ നമ്മള്‍ അവിടെ നിന്ന് തിരിച്ചു സങ്കടത്തോടെ തന്നെ. ആ പാട്ടാണ് അപ്പടി പോട്, പോട് എന്ന ഗാനം. ആ പാട്ട് ഹിറ്റല്ല, ഇന്റര്‍നാഷണല്‍ ഹിറ്റായി മാറി. എന്ത് ചെയ്യാം തലയില്‍ വരച്ചിട്ടില്ല. റിമി ടോമി പറഞ്ഞു.
