ജൂണ്‍ 21, ലോകമെമ്പാടുമുള്ള ആളുകള്‍ അന്താരാഷ്ട്ര യോഗാ ദിനമായി ആചരിക്കുകയാണ്.യോഗ സൗഖ്യത്തിനായി- എന്നതാണ് ഈവര്‍ഷത്തെ യുണൈറ്റഡ് നേഷന്‍സിന്റെ വെബ്സൈറ്റ് തീം.ലോക്ക് ഡൗണ്‍ സമയത്ത് നിര്‍ത്തിയ യോഗ പരിശീലനം പുനരാരംഭിക്കുന്നു എന്നാണ് നടി മാളവിക മേനോന്‍ പറയുന്നത്.
മാളവികയുടെ വാക്കുകളിലേക്ക്
'പുതിയ ദിവസത്തിനൊപ്പം പുതിയ ശക്തിയും പുതിയ ചിന്തകളും വരുന്നു! ലോക്ക് ഡൗണ്‍ സമയത്ത് ഉപേക്ഷിച്ച പരിശീലനം പുനരാരംഭിക്കുന്നു.എന്റെ ശക്തിയിലും സുസ്ഥിരതയിലും ഞാന്‍ ഒരുപാട് വ്യത്യാസങ്ങള്‍ കാണാമായിരുന്നു. ശരീരം, മനസ്സ്, പരിസ്ഥിതി എന്നിവയില്‍ ഐക്യം വളര്‍ത്തുന്നതിനാണ് യോഗ. ശാരീരിക, മാനസിക, സാമൂഹിക, ആത്മീയ വികാസത്തിന്റെ സമ്പൂര്‍ണ്ണ സംവിധാനമാണ് യോഗ അവകാശപ്പെടുന്നത്. എന്റെ സ്റ്റാമിന ഉടന്‍ തന്നെ തിരിച്ചെത്തിക്കാനുള്ള ശ്രമത്തിലാണ്. എല്ലായ്‌പ്പോഴും എന്നപോലെ നിങ്ങളുടെ എല്ലാ പിന്തുണയും സ്‌നേഹവും ആവശ്യമാണ്'- മാളവിക മേനോന്‍ കുറിച്ചു.
