അധികം വാങ്ങിയ പണം തിരികെ നല്‍കാന്‍ ഷെയിന്‍ തയ്യാറായി,ശ്രീനാഥ് ഭാസി ക്ഷമാപണം നടത്തി, ഒടുവില്‍ വിലക്ക് നീങ്ങി
ഷെയിന്‍ നിഗം, ശ്രീനാഥ് ഭാസി എന്നീ നടന്മാര്‍ക്കെതിരെ ഏര്‍പ്പെടുത്തിയ വിലക്ക് നീക്കി നിര്‍മ്മാതാക്കളുടെ സംഘടന. രണ്ട് സിനിമകളില്‍ അഭിനയിക്കാനായി അധികം വാങ്ങിയ പണം തിരികെ നല്‍കാന്‍ ഷെയിന്‍ തയ്യാറാക്കുകയും ശ്രീനാഥ് ഭാസി ക്ഷമാപണം നടത്തുകയും ചെയ്തതോടെയാണ് അപ്രഖ്യാപിത വിലക്ക് നീങ്ങിയത്.
ഫെഫ്ക, നിര്‍മ്മാതാക്കളുടെ സംഘടന, താര സംഘടന അമ്മ എന്നീ സംഘടനകള്‍ സംയുക്തമായി നടത്തിയ പത്രസമ്മേളനത്തിലായിരുന്നു താരങ്ങള്‍ക്ക് വിലക്ക് ഏര്‍പ്പെടുത്തിയത്. വിലക്കിന് പകരം സഹകരിക്കില്ലെന്നാണ് അവര്‍ സംഘടനകള്‍ പറഞ്ഞത്.
