പത്തൊന്‍പതാം നൂറ്റാണ്ടിന്റെ അറ്റ്‌മോസ് മിക്‌സിംഗ് പൂര്‍ത്തിയായ വിവരം സംവിധായകന്‍ വിനയന്‍ ഇക്കഴിഞ്ഞ ദിവസമായിരുന്നു അറിയിച്ചത്. റിലീസ് ഡേറ്റ് വൈകാതെ തന്നെ പ്രഖ്യാപിക്കുമെന്നും ടീസറിന് പിറകെ ട്രെയിലറും എത്തുമെന്നും നേരത്തെ അണിയറ പ്രവര്‍ത്തകര്‍ അറിയിച്ചിരുന്നു. ഇപ്പോഴിതാ സിനിമയുടെ പുതിയ പോസ്റ്റര്‍ പുറത്തിറക്കി സിനിമ ഉടന്‍ എത്തുമെന്ന അപ്‌ഡേറ്റ് നിര്‍മ്മാതാക്കള്‍ നല്‍കി.
സിജുവിനോടൊപ്പം അനുപ് മേനോനും ചെമ്പന്‍ വിനോദും, സുരേഷ് കൃഷ്ണയും, ഇന്ദ്രന്‍സും, സുദേവ് നായരും തുടങ്ങി ഇന്ത്യന്‍ സിനിമയിലെ 50 ഓളം താരങ്ങള്‍ ചിത്രത്തിലുണ്ട്.ഷാജികുമാറും, വിവേക് ഹര്‍ഷനും, സന്തോഷ് നാരായണനും,എം ജയചന്ദ്രനും, അജയന്‍ ചാലിശ്ശേരിയും, എന്‍ എം ബാദുഷയും, പട്ടണം റഷീദും,ധന്യാ ബാലകൃഷ്ണനും സുപ്രീം സുന്ദറും തുടങ്ങിയ സാങ്കേതിക പ്രവര്‍ത്തകരുടെ വലിയ നിരയും സിനിമയ്ക്ക് കരുത്ത് നല്‍കുന്നു.
