രാജ് ബാബു സംവിധാനം ചെയ്ത് 2007ല്‍ പുറത്തിറങ്ങിയ ദിലീപ് ചിത്രം ചെസില്‍ കുട്ടിയായി നയന്‍താരയും ഉണ്ടായിരുന്നു. സിനിമയില്‍ കുട്ടി സിമ്മിങ് പൂളില്‍ വീഴുന്ന ഒരു രംഗമുണ്ട്. ആ സീനില്‍ അഭിനയിക്കുന്നതിന് വേണ്ടി ബേബി നയന്‍താര നീന്തല്‍ ഒക്കെ പഠിച്ചിരുന്നു. ചെസ് സിനിമയില്‍ ആ രംഗം ചിത്രീകരിച്ചത് ഇന്നും നടിയുടെ മനസ്സില്‍ നിന്ന് മാഞ്ഞിട്ടില്ല.
' സെറ്റില്‍ ഷൂട്ടിങ്ങിന്റെ സമയമായപ്പോള്‍ ഞാന്‍ പറഞ്ഞു, എനിക്ക് പേടിയാണ് ഇറങ്ങില്ല എന്ന്. പക്ഷെ അവര്‍ എന്നെ തള്ളിയിട്ടു. എന്റെ അച്ഛന്‍ പൂളിലുണ്ടായിരുന്നു. കുറെ വെള്ളമൊക്കെ കുടിച്ചു. അമ്മയോട് കാര്യം പറഞ്ഞിരുന്നില്ല. അങ്ങനെയാണ് ആ ഷോട്ട് എടുത്തത്',- നയന്‍താര പറയുന്നു.
