മലയാളികള്‍ ഏറെ ഇഷ്ടപ്പെടുന്ന താരകുടുംബമാണ് ദിലീപിന്റേത്. ദിലീപ്-കാവ്യ ജോഡിയും മക്കളായ മീനാക്ഷിയും മഹാലക്ഷ്മിയും വളരെ അടുത്ത സുഹൃത്തുക്കളെ പോലെയാണ്. മഹാലക്ഷ്മിയുടെ കുസൃതികള്‍ ദിലീപിന്റെ വീട്ടില്‍ എന്നും പൊട്ടിച്ചിരിയുടെ മേളം തീര്‍ക്കുന്നു. ഈ വീട്ടിലെ ഒരു അംഗത്തെ പോലെയാണ് മീനാക്ഷിയുടെ ഏറ്റവും അടുത്ത സുഹൃത്തായ നടി നമിത പ്രമോദ്.
മഹാലക്ഷ്മിയെ നമിത മാമാട്ടിയെന്നാണ് വിളിക്കുന്നത്. അധികം ആര്‍ക്കും അറിയാത്ത മഹാലക്ഷ്മിയുടെ ചെല്ലപ്പേര് കേട്ട് ആരാധകരും ഞെട്ടി. 'മാമാട്ടി എന്നാണല്ലേ, ഞങ്ങള്‍ മമ്മൂട്ടി എന്നാണ് വായിച്ചതെ'ന്നാണ് പലരുടെയും രസകരമായ കമന്റുകള്‍.
