നാദിര്‍ഷയുടെ വാക്കുകള്‍
''വെടിക്കെട്ട് ' റിലീസിങ്ങിനു മുമ്പേ തന്നെ ഞാന്‍ കണ്ട സിനിമയാണ്. അതിനൊക്കെ മുമ്പേ തന്നെ ബിബിനും,വിഷ്ണുവും എനിക്ക് സ്‌ക്രിപ്റ്റ് വായിക്കാന്‍ തന്നിരുന്നു. സത്യം പറഞ്ഞാല്‍ ഞാന്‍ അന്ന് വായിച്ച സ്‌ക്രിപ്റ്റിനേക്കാള്‍ എത്ര ഗംഭീരമായിട്ടാണ് അവര്‍ അത് മേക്ക് ചെയ്തിരിക്കുന്നത് . എന്നോട് അവര്‍ അഭിപ്രായം ചോദിച്ചപ്പോള്‍ ഞാന്‍ ഒറ്റ അഭിപ്രായമേ പറഞ്ഞുള്ളു ''ഒരു സാധാ മനുഷ്യന്റെ മനസ്സും വികാരവും വിചാരവുമൊക്കെയുള്ളവന് ഈ സിനിമ കണ്ടിറങ്ങുമ്പോള്‍ ചങ്കൊന്ന് പെടക്കും. അല്ലാത്തവന്മാരുടെ കാര്യമോര്‍ത്ത് നിങ്ങള്‍ ടെന്‍ഷനടിക്കരുത്. കൂവിത്തോല്പിക്കാന്‍ പ്രത്യേകിച്ച് കഴിവൊന്നും വേണ്ട. കഴിവുള്ളവന്‍ ആരേയും കൂവുകയുമില്ല. സ്റ്റേജ് ഷോയുമായി വിദേശത്തായിരുന്നതിനാല്‍ ഇന്നലെയാണ് തിയേറ്ററില്‍ പ്രേക്ഷകരോടൊപ്പം സിനിമ കണ്ടത് .അങ്ങനെ കണ്ടിട്ട് എഴുതാമെന്ന് കരുതിയതിനാലാണ് അല്പം വൈകിയത്. സിനിമ സ്വപ്നം കണ്ടു നടക്കുന്നവരുടെ ഒരു വന്‍ കൂട്ടായ്മയെ മുന്നിലും പിന്നിലും അണിനിരത്തി അതിനെ സാധാ പ്രേക്ഷന്റെ മനസ്സില്‍ സ്ഥാനം നേടിയെടുക്കുന്ന ഒരു മനോഹര ചിത്രമാക്കി മാറ്റിയതില്‍ എന്റെ പ്രിയപ്പെട്ട അനുജന്മാരായ ബിബിനും വിഷ്ണുവിനും , അതിന് ധൈര്യം നല്കി മുന്നിട്ടിറങ്ങിയ ബാദുഷക്കും , ഷിനോയിക്കും എന്റെ ഹൃദയം നിറഞ്ഞ അഭിനന്ദനങ്ങളും ആശംസകളും
