പ്രേതട്രെന്‍ഡ് വിടാതെ തമിഴകം, അരന്മനെ 4ന്റെ വിജയത്തിന് പിന്നാലെ കാഞ്ചന നാലും അണിയറയില്‍, രാഘവ ലോറന്‍സിന്റെ നായികയായി മൃണാള്‍ താക്കൂര്‍
കാഞ്ചന സിനിമയുടെ നാലാം ഭാഗം അണിയറയില്‍ ഒരുങ്ങുന്നതായാണ് പുതിയ റിപ്പോര്‍ട്ടുകള്‍ വ്യക്തമാക്കുന്നത്. മൃണാല്‍ താക്കൂറായിരിക്കും ഇത്തവണ രാഘവ ലോറന്‍സിന്റെ നായികയായി എത്തുന്നതെന്നാണ് റിപ്പോര്‍ട്ടുകള്‍. നടിയുടെ കഥാപാത്രത്തെ പറ്റിയുള്ള കൂടുതല്‍ വിവരങ്ങള്‍ ലഭ്യമല്ല. തമിഴില്‍ മൃണാളിന്റെ അരങ്ങേറ്റ ചിത്രമാകും കാഞ്ചന 4. രാഘവ ലോറന്‍സാണ് സിനിമയുടെ തിരക്കഥയും സംവിധാനവും നിര്‍വഹിക്കുക. തിരക്കഥ പൂര്‍ത്തിയായതായും സിനിമയുടെ ചിത്രീകരണം സെപ്റ്റംബറില്‍ ആരംഭിക്കുമെന്നും നിര്‍മാതാക്കള്‍ വ്യക്തമാക്കി.
