മോണ്‍സ്റ്റര്‍ റിലീസ് വൈകിയതിനെ കുറിച്ച് മനസ്സുതുറക്കുകയാണ് സംവിധായകന്‍ വൈശാഖ് ഇപ്പോള്‍. മറ്റ് സിനിമകളെ അപേക്ഷിച്ച് മോണ്‍സ്റ്ററിന് വലിയ പോസ്റ്റ് പ്രൊഡക്ഷന്‍ ജോലികള്‍ ആവശ്യമായിരുന്നുവെന്നും അതിന് ഒരുപാട് വെല്ലുവിളികള്‍ നേരിടേണ്ടി വന്നിട്ടുണ്ടുണ്ടെന്നും കോഴിക്കോട് നടന്ന ഒരു പരിപാടിയില്‍ സംസാരിക്കവേ സംവിധായകന്‍ വൈശാഖ് പറഞ്ഞു. പ്രേക്ഷകരുടെ പ്രതീക്ഷകള്‍ സിനിമയുടെ മേക്കിംഗിനെയോ അതിന്റെ കഥയെയോ ബാധിക്കരുതെന്ന് നിര്‍ബന്ധമായിരുന്നു. സിനിമയെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിടാത്തതിന്റെ കാരണങ്ങളിലൊന്ന് അത് തന്നെയാണെന്നും വൈശാഖ് കൂട്ടിച്ചേര്‍ത്തു.
