ട്രേഡ് അനലിസ്റ്റുകളുടെ വിലയിരുത്തല്‍ അനുസരിച്ച് മൂന്നുദിവസങ്ങള്‍ കൊണ്ട് മാമാങ്കം മുടക്കുമുതല്‍ തിരിച്ചുപിടിക്കുമെന്നായിരുന്നു. എന്നാൽ, 4ആം ദിവസം കഴിഞ്ഞപ്പോൾ ചിത്രം സ്വന്തമാക്കിയത് 60 കോടിയാണെന്നാണ് കണക്കുകൾ. വ്യക്തമായ കണക്കുകൾ ഉടൻ തന്നെ പുറത്തുവിടും. സ്വപ്നസാക്ഷാത്കാരത്തിനരികെ എന്നാണ് വേണു കുന്നപ്പള്ളി പ്രതികരിച്ചത്.
മമ്മൂട്ടി നായകനായ ഈ ബ്രഹ്‌മാണ്ഡ സിനിമ മലയാളം, തമിഴ്, തെലുങ്ക്, ഹിന്ദി ഭാഷകളിലും വിദേശരാജ്യങ്ങളില്‍ ഇംഗ്ലീഷിലുമാണ് പ്രദര്‍ശനത്തിനെത്തിയത്. നാല്‍പ്പതിലധികം രാജ്യങ്ങളില്‍ രണ്ടായിരത്തോളം സ്ക്രീനുകളിലായിരുന്നു ചിത്രം റിലീസായത്.
