അമ്പതുകോടി രൂപ ബജറ്റില്‍ ഒരു മലയാള ചിത്രം! കുറച്ചുവര്‍ഷങ്ങള്‍ക്ക് മുമ്പുവരെ അതൊരു സ്വപ്‌നം മാത്രമായിരുന്നു. എന്നാല്‍ ‘മാമാങ്കം’ എന്ന ചിത്രത്തിലൂടെ അത് സാധ്യമായിരിക്കുന്നു. എന്നാല്‍ അതുമാത്രമല്ല അത്ഭുതം. ആ മുടക്കുമുതല്‍ മൂന്നുദിവസങ്ങള്‍ കൊണ്ട് തിരിച്ചുപിടിച്ചാലോ? അതേ, ട്രേഡ് അനലിസ്റ്റുകളുടെ വിലയിരുത്തല്‍ അനുസരിച്ച് മൂന്നുദിവസങ്ങള്‍ കൊണ്ട് മാമാങ്കം മുടക്കുമുതല്‍ തിരിച്ചുപിടിക്കും.
മമ്മൂട്ടി നായകനായ ഈ ബ്രഹ്‌മാണ്ഡ സിനിമ മലയാളം, തമിഴ്, തെലുങ്ക്, ഹിന്ദി ഭാഷകളിലും വിദേശരാജ്യങ്ങളില്‍ ഇംഗ്ലീഷിലുമാണ് പ്രദര്‍ശനത്തിനെത്തിയത്. നാല്‍പ്പതിലധികം രാജ്യങ്ങളില്‍ രണ്ടായിരത്തോളം സ്ക്രീനുകളിലായിരുന്നു ചിത്രം റിലീസായത്.
