പ്രളയത്തിന്‍റെ ആദ്യദിനങ്ങളില്‍ രക്ഷാപ്രവര്‍ത്തനത്തിനായി മമ്മൂട്ടി നേരിട്ടിറങ്ങി. പറവൂരിലെ ദുരിതാശ്വാസ ക്യാമ്പുകളില്‍ അദ്ദേഹം നേരിട്ടെത്തുകയും സഹായം വിതരണം ചെയ്യുകയും ചെയ്തു. മാത്രമല്ല, ആരും ഭയപ്പെടരുതെന്നും എല്ലാവരും കൂടെയുണ്ടെന്നും പറഞ്ഞ് ക്യാമ്പിലുള്ളവര്‍ക്ക് ആശ്വാസവും ഉണര്‍വും നല്‍കി.
അപകടം നിലനില്‍ക്കുന്ന സ്ഥലങ്ങള്‍ പ്രത്യേകം ഏറ്റുത്തുപറഞ്ഞ് മുന്നറിയിപ്പ് നല്‍ക്കാന്‍ മമ്മൂട്ടി ശ്രദ്ധിച്ചു. രക്ഷാപ്രവര്‍ത്തനത്തിന് വിളിക്കേണ്ട നമ്പരുകള്‍, ആശ്രയിക്കേണ്ട കേന്ദ്രങ്ങള്‍ തുടങ്ങിയ വിവരങ്ങളും അദ്ദേഹം തന്‍റെ പേജിലൂടെ പങ്കുവച്ചു.
സംസ്ഥാനത്തെ ഏതൊക്കെ റോഡുകള്‍ യാത്രായോഗ്യമാണെന്നും ഏതെല്ലാം വഴികളില്‍ അപകടം പതിയിരിക്കുന്നുണ്ടെന്നും മമ്മൂട്ടി തന്‍റെ ഫേസ്ബുക്ക് പേജ് വഴി അറിയിച്ചു. ഇത് ജനങ്ങള്‍ക്ക് വലിയ സഹായമായി. മാത്രമല്ല, ബന്ധുക്കളുടെ ഒരു വിവരവും ലഭിക്കാതെ വിദേശങ്ങളില്‍ തീ തിന്ന് കഴിഞ്ഞവര്‍ക്കും മമ്മൂട്ടി സഹായവുമായെത്തി. അവര്‍ക്ക് ആവശ്യമുള്ള വിവരങ്ങള്‍ പങ്കുവച്ച് അദ്ദേഹം ആശ്വാസഹസ്തമായി മാറി.
