യാത്ര എന്ന് ഈ പ്രൊജക്ടിന് പേരിടാന്‍ ഒരു കാരണമുണ്ട്. 2003ല്‍ വൈ എസ് ആര്‍ മൂന്ന് മാസത്തോളം നീണ്ട പദയാത്ര നടത്തിയിരുന്നു. ആ യാത്ര നടക്കുന്ന സമയത്തുണ്ടാകുന്ന സംഭവ വികാസങ്ങളാണ് ചിത്രത്തിന്‍റെ പ്രമേയം. ‘യാത്ര’ എന്ന പേരില്‍ മമ്മൂട്ടി മലയാളത്തില്‍ മുമ്പൊരു സിനിമ ചെയ്തിട്ടുണ്ട്. ബാലു മഹേന്ദ്ര സംവിധാനം ചെയ്ത ആ സിനിമ മലയാളത്തിന്‍റെ ക്ലാസിക് ആയാണ് വിലയിരുത്തപ്പെടുന്നത്.
മലയാളത്തില്‍ മമ്മൂട്ടി മുഖ്യമന്ത്രിയാകുന്ന ചിത്രവും വലിയ പ്രതീക്ഷയാണ് ഉണര്‍ത്തിയിരിക്കുന്നത്. ഈ സിനിമയില്‍ മമ്മൂട്ടിയല്ലാതെ മറ്റൊരാളെ മുഖ്യമന്ത്രി വേഷത്തിലേക്ക് ചിന്തിക്കാന്‍ പോലുമാകില്ലെന്നാണ് അണിയറപ്രവര്‍ത്തകര്‍ പറയുന്നത്. ഒരു മുഖ്യമന്ത്രിയുടെ ജീവിതത്തിലെ വൈകാരികവും സംഘര്‍ഷഭരിതവുമായ ജീവിതമാണ് ആ സിനിമ പറയുന്നത്.
