മമ്മൂട്ടി സിനിമകള്‍ തിയറ്ററില്‍ കാണുവാനായി ആരാധകര്‍ കാത്തിരിക്കുകയാണ്. ഈ വര്‍ഷം ആദ്യം മെഗാസ്റ്റാറിന്റെ ഒരുപിടി ചിത്രങ്ങള്‍ പ്രേക്ഷകരിലേക്ക് എത്തും.അമല്‍നീരദ്, ലിജോ ജോസ് പെല്ലിശ്ശേരി, കെ മധു തുടങ്ങിയ സംവിധായകരുടെ സിനിമകളാണ് ഇനി വരാനുള്ളത്.
നന്‍പകല്‍ നേരത്ത് മയക്കം
മമ്മൂട്ടി ആദ്യമായി സംവിധായകന്‍ ലിജോ ജോസ് പെല്ലിശ്ശേരിയുമായി കൈകോര്‍ക്കുന്നു.ഒറ്റ ഷെഡ്യൂളില്‍ 28 ദിവസംകൊണ്ടാണ് സിനിമയുടെ ചിത്രീകരണം പൂര്‍ത്തിയാക്കിയ സിനിമ റിലീസിന് ഒരുങ്ങുകയാണ്. മമ്മൂട്ടി കള്ളന്‍ വേഷത്തിലാണ് ചിത്രത്തില്‍ എത്തുന്നത് എന്ന് പറയപ്പെടുന്നു.സൈക്കിള്‍ മെക്കാനിക്കും ആക്രിസാധനങ്ങളുടെ ഡീലറുമായി പകല്‍ ആളുകള്‍ക്കിടയില്‍ കാണുകയും രാത്രി മോഷണവുമാണ് അയാളുടെ തൊഴില്‍.
