കന്നഡ, തമിഴ്, തെലുങ്ക്, ഹിന്ദി ഭാഷകളിലായി ഇരുനൂറോളം സിനിമകളില്‍ സരോജദേവി അഭിനയിച്ചു. 29 വര്‍ഷക്കാലത്തോളം തുടര്‍ച്ചയായി നായികനടിയായി 161 ചിത്രങ്ങളില്‍ സരോജദേവി വേഷമിട്ടു. ഇത് ഇന്നും ഇന്ത്യന്‍ സിനിമയില്‍ തിരുത്തപ്പെടാത്ത റെക്കോര്‍ഡാണ്. 1969ല്‍ രാജ്യം പത്മശ്രീയും 1992ല്‍ പത്മഭൂഷണും നല്‍കി സരോജദേവിയെ ആദരിച്ചു. കന്നഡയില്‍ രാക് കുമാറിന്റെയും തെലുങ്കില്‍ എന്‍ടിആറിന്റെയും തമിഴില്‍ ശിവാജി ഗണേശന്‍, എംജിആര്‍ എന്നിവരുടെയും നിരവധി സിനിമകളില്‍ നായികയായി. 2019ല്‍ പുനീത് രാജ് കുമാര്‍ സിനിമയായ സാര്‍വ ഭൗമയിലാണ് അവസാനമായി അഭിനയിച്ചത്.
