പ്രശസ്ത അവതാരകയായ ഭാരതിയുടെ യൂട്യൂബ് ചാനലിന് നല്‍കിയ അഭിമുഖത്തിലാണ് കില്‍ സിനിമ കണ്ടശേഷം ഫഹദ് ഫാസില്‍ മെസേജ് ചെയ്ത കാര്യം രാഘവ് പറഞ്ഞത്. അതിഗംഭീരമായ പ്രകടനങ്ങള്‍ നടത്തുന്ന നടനാണ് ഫഹദ് ഫാസിലെന്ന് നമുക്കെല്ലാവര്‍ക്കും അറിയാം. ചെറിയൊരു നടനാണ് എന്ന് പരിചയപ്പെടുത്തിയാണ് ഫഹദ് മെസേജ് ചെയ്തത്. അതെന്നെ അത്ഭുതപ്പെടുത്തി.
ഞാന്‍ ഫഹദ് ഫാസില്‍. ചെറിയൊരു ആക്ടറാണ്. കില്‍ കണ്ടു, ഗംഭീരമായിട്ടുണ്ട്. എന്നായിരുന്നു അദ്ദേഹത്തിന്റെ മെസേജ്. എങ്ങനെയാണ് അദ്ദേഹം ചെറിയ ആക്ടറാണ് എന്ന് പറയുന്നതെന്ന് ഞാന്‍ അത്ഭുതപ്പെട്ട് പോയി. സ്വയം ചെറിയ ആക്ടറാണെന്ന് പറഞ്ഞാണ് ഫഹദ് ആളുകളെ പരിചയപ്പെടുന്നത്. ഫഹദ് ഭായി പറഞ്ഞതല്ലെ എന്തെങ്കിലും കാര്യം കാണുമല്ലോ. അഭിനയിക്കുകയാണ് എന്ന് ആളുകള്‍ക്ക് തോന്നാത്തവിധമാണ് ഫഹദ് അഭിനയിക്കാറുള്ളത്. കഥാപാത്രങ്ങളും പ്രകടനങ്ങളും ഉള്ളില്‍ നിന്നും വരുന്ന പോലെ നമുക്ക് തോന്നും. രാഘവ് ജുയല്‍ പറഞ്ഞു.
