മലയാളത്തിന് പുറമെ അന്യഭാഷ സിനിമകളിലും സ്വീകാര്യനാണെങ്കിലും ഒരു മാസ് മസാല പടം ഹിറ്റാക്കിമാറ്റാന്‍ ദുല്‍ഖറിന് ഇതുവരെയായിട്ടില്ല. മലയാളത്തില്‍ ഈ വര്‍ഷം നഹാസ് ഹിദായത്ത്, സൗബിന്‍ ഷാഹിര്‍ എന്നിവരുടെ സിനിമകളിലാണ് ദുല്‍ഖര്‍ ഭാഗമാകുന്നത്. ഇപ്പോഴിതാ തമിഴില്‍ ദുല്‍ഖര്‍ ചെയ്യാനിരിക്കുന്ന സിനിമയെ പറ്റിയാണ് റൂമറുകള്‍ പറയുന്നത്.
തമിഴിലെ മികച്ച സംവിധായികരിലൊരാളായ കാര്‍ത്തിക് സുബ്ബരാജും ദുല്‍ഖറും ഒരു പ്രൊജക്റ്റിനായി ഒന്നിക്കുന്നതായാണ് പുതിയ റിപ്പോര്‍ട്ടുകള്‍ പറയുന്നത്. 2 സെല്‍വമണി സെല്‍വരാജ് സംവിധാനം ചെയ്ത കാന്ത, പവന്‍ സദിനേനി സംവിധാനം ചെയ്യുന്ന ആകാസം ലോ ഒക്ക താര എന്നിവയാണ് ദുല്‍ഖറിന്റെ പുറത്തിറങ്ങാനുള്ള സിനിമകള്‍. സൂര്യയെ നായകനാക്കി ഒരുക്കുന്ന റെട്രോ എന്ന സിനിമയ്ക്ക് ശേഷമാകും കാര്‍ത്തിക് സുബ്ബരാജ് ദുല്‍ഖറിനെ നായകനാക്കി സിനിമയൊരുക്കുക.
