പ്രേമലു ഞാന്‍ 2 തവണ കണ്ടു. അതിലെ കാസ്റ്റിംഗ് ഗംഭീരമായിരുന്നു. നായകനും നായികയും മാത്രമല്ല. എല്ലാ കഥാപാത്രങ്ങളും. അതുപോലെ തന്നെ മഞ്ഞുമ്മല്‍ ബോയ്‌സ്,ഭ്രമയുഗം, കാതല്‍ എല്ലാം കണ്ടു.എന്നാല്‍ ഏറെ സ്‌പെഷ്യലായി തോന്നിയ സിനിമ നന്‍പകല്‍ നേരത്ത് മയക്കമാണ്. എന്തൊരു സിനിമയാണത്. ഞാന്‍ ഒരുപാട് പേരോട് ആ സിനിമ കാണണമെന്ന് പറഞ്ഞു. ആ സിനിമ കാണുമ്പോള്‍ ഒരു പ്രത്യേക അവസ്ഥയാണ്. എല്ലാവര്‍ക്കും ആ സിനിമ മനസിലാകണമെന്നില്ല. എന്നാല്‍ എനിക്ക് ആ സിനിമ വളരെ ഇഷ്ടമായി. അതില്‍ മമ്മൂക്ക ശിവാജി ഗണേശനെ അനുകരിക്കുന്ന ഒരു രംഗമുണ്ട്. മമ്മൂക്ക ഒരേ സമയം 2 കഥാപാത്രങ്ങളായി മാറുന്നതെല്ലാം നന്നായിരുന്നു. അവസാനം അദ്ദേഹം മലയാളിയായി മാറുന്നതെല്ലാം ഗംഭീരമാണ്. വിജയ് സേതുപതി പറഞ്ഞു.
