ചിത്രീകരണം തുടങ്ങി രണ്ടാഴ്ച പിന്നിടുമ്പോഴാണ് പ്രശ്‌നങ്ങള്‍ തുടങ്ങിയത്. ഫോര്‍ട്ട് കൊച്ചിയിലെ പഴയ ഒരു വീടായിരുന്നു ചിത്രത്തിന്റെ സെറ്റ്. ചിത്രീകരണത്തിനിടെ ലൈറ്റ് തുടര്‍ച്ചയായി മിന്നിക്കൊണ്ടിരിക്കുകയായിരുന്നു. വൈദ്യുതി പ്രശ്‌നമാണെന്ന് കരുതി സാങ്കേതിക പ്രവര്‍ത്തകര്‍ പരിശോധിച്ചെങ്കിലും ഫലമുണ്ടായില്ല. പിന്നീട് ജനറേറ്ററും പ്രവര്‍ത്തിക്കാതെയായി. അതു മാറ്റി ചിത്രീകരണം പുനരാരംഭിച്ചപ്പോള്‍ ക്യാമറകള്‍ പ്രവര്‍ത്തിക്കാതെയായി. ഇതോടെയാണ് വൈദികനെ വിളിക്കാന്‍ തീരുമാനിച്ചതെന്ന് സംവിധായകന്‍ ജയകൃഷ്ണന്‍ പറയുന്നു.
