ഫഹദ് ഫാസിലിനെ നായകനാക്കി താന്‍ സംവിധാനം ചെയ്യുന്ന പുതിയ സിനിമയെ കുറിച്ച് വെളിപ്പെടുത്തി ജീത്തു ജോസഫ്. നേര് പോലെ പൂര്‍ണമായും ഒരു കോര്‍ട്ട് റൂം ഡ്രാമയായിരിക്കില്ല ഫഹദ് ഫാസില്‍ ചിത്രമെന്ന് ജീത്തു പറഞ്ഞു. ശാന്തി (ശാന്തി മായാദേവി) തന്നെയാണ് തിരക്കഥ എഴുതുന്നത്. സിനിമയില്‍ കോടതിയും നിയമ പരിപാടികളും ഉണ്ടെങ്കിലും പൂര്‍ണമായി കോര്‍ട്ട് റൂം ഡ്രാമയെന്ന് പറയാന്‍ പറ്റില്ല. യഥാര്‍ഥ സംഭവത്തില്‍ നിന്ന് പ്രചോദനം ഉള്‍ക്കൊണ്ട് തന്നെയാണ് സിനിമ ചെയ്യുന്നതെന്നും ജീത്തു ജോസഫ് പറഞ്ഞു.
