ബിഗ് ബോസ് മലയാളം സീസണ്‍ 4 ലൂടെ ശ്രദ്ധേയനായ ഡോക്ടര്‍ റോബിന്‍ രാധാകൃഷ്ണന് സിനിമയിലേക്ക്. സാക്ഷാല്‍ മോഹന്‍ലാല്‍ തന്നെയാണ് ഇക്കാര്യം അറിയിച്ചത്. പ്രശസ്ത നിര്‍മാതാവ് സന്തോഷ് ടി.കുരുവിളയുടെ എസ്.ടി.കെ. ഫ്രെയിംസ് നിര്‍മിക്കുന്ന ചിത്രത്തിലാണ് റോബിന്‍ അഭിനയിക്കുന്നത്. പ്രൊഡക്ഷന്‍ നമ്പര്‍ : 14 ല്‍ ആണ് റോബിന്‍ ശ്രദ്ധേയമായ വേഷം ചെയ്യുന്നത്. മറ്റ് വിവരങ്ങളൊന്നും പുറത്തുവിട്ടിട്ടില്ല. റോബിന്‍ രാധാകൃഷ്ണന് എല്ലാവിധ ആശംസകളും നേരുന്നതായി മോഹന്‍ലാല്‍ കുറിച്ചു.
