ഞങ്ങളെന്താ പൊട്ടന്മാരോ?, പരിപാടിക്ക് 6 മണിക്കൂർ വൈകി വന്നിട്ടും ഒരു ക്ഷമ പോലും ചോദിക്കാൻ മനസില്ല, നയൻതാരയ്ക്കെതിരെ രൂക്ഷ വിമർശനം
ഫെമി 9 എന്ന നയന്‍താരയുടെ ബിസിനസ് സംരഭവുമായി ബന്ധപ്പെട്ട ചടങ്ങില്‍ താരം വൈകി എത്തിയതാണ് പുതിയ വിവാദം. രാവിലെ 9 മണിക്ക് നയന്‍താര പരിപാടിക്ക് എത്തുമെന്നാണ് അറിയിച്ചിരുന്നത്. എന്നാല്‍ നയന്‍താരയും ഭര്‍ത്താവായ വിഘ്‌നേഷ് ശിവനും എത്തിച്ചേര്‍ന്നത് ഉച്ചയ്ക്ക് ഒരു മണിക്കായിരുന്നു. ഇതോടെ പരിപാടി അവസാനിച്ചത് 6 മണിക്കും. ധാരാളം ഇന്‍ഫ്‌ളുവന്‍സര്‍മാരെല്ലാം പരിപാടിക്ക് എത്തിയിരുന്നു. ഇത്രയും കാഴ്ചക്കാരുടെ വിലപ്പെട്ട സമയം നഷ്ടപ്പെടുത്തിയിട്ടും വേദിയിലെത്തി ഒരു ക്ഷമാപണം നടത്താന്‍ പോലും നയന്‍താര തയ്യാറായില്ല. ഇതാണ് വിമര്‍ശനങ്ങള്‍ക്ക് ഇടയാക്കിയിരുന്നു.
