ഇന്‍സ്റ്റഗ്രാമിന്റെ ഔദ്യോഗിക പേജില്‍ പ്രത്യക്ഷപ്പെട്ട് നടന്‍ അല്ലു അര്‍ജുന്‍. ഏറ്റവും അധികം ആളുകള്‍ ഫോളോ ചെയ്യുന്ന ഇന്‍സ്റ്റാഗ്രാം അക്കൗണ്ടായ @instagram-ലൂടെയാണ് നടന്റെ വിശേഷങ്ങള്‍ ലോകം കണ്ടത്.
തന്റെ സ്വകാര്യ ജീവിതവും പുഷ്പ 2- ദ റൂളിന്റെ ചിത്രീകരണ ഇടങ്ങളും എല്ലാം ഉള്‍ക്കൊള്ളിച്ചു കൊണ്ടാണ് വീഡിയോ തയ്യാറാക്കിയിരിക്കുന്നത്. 21.1 മില്യണ്‍ കാഴ്ചക്കാരാണ് ഇതിനോടകം തന്നെ വീഡിയോ കണ്ടത്. 2.9 മില്യണ്‍ ലൈക്കുകള്‍ ലഭിച്ചിട്ടുണ്ട്.
അല്ലു അര്‍ജുന്റെ ജീവിത കാഴ്ചകള്‍ കാണാന്‍ ആരാധകര്‍ക്കും ഒരു അവസരം കൂടിയാണ് ഇന്‍സ്റ്റഗ്രാം റീലിലൂടെ നല്‍കിയിരിക്കുന്നത്. നടന്റെ വീടും ഓഫീസും കാറും ഒക്കെ വീഡിയോയില്‍ കാണാനാകുന്നു.
രാമോജി റാവു ഫിലിം സെറ്റിയില്‍ പുഷ്പ 2 ചിത്രീകരണം പുരോഗമിക്കുകയാണ്. മൈത്രി മൂവി മേക്കേഴ്സിന്റെ ബാനറില്‍ സുകുമാര്‍ സംവിധാനം ചെയ്യുന്ന ചിത്രത്തില്‍ മലയാളി താരം ഫഹദ് ഫാസിലും അഭിനയിക്കുന്നു.
