ജിസ് ജോയുടെ കൂടെ വര്‍ക്ക് ചെയ്യാന്‍ ആസിഫ് അലിക്ക് പ്രത്യേക ഇഷ്ടമാണ്. ഇരുവരും അവസാനമായി ഒന്നിച്ചത് ഇന്നലെവരെ എന്ന ചിത്രത്തിനുവേണ്ടിയാണ്.
ആദി ശങ്കര്‍ എന്ന കഥാപാത്രത്തെയാണ് ആസിഫ് ചിത്രത്തില്‍ അവതരിപ്പിക്കുന്നത്.ഒരു സിനിമാതാരമാണ് ഇയാള്‍. നിരവധി ഹിറ്റ് ചിത്രങ്ങളുടെ ഭാഗമായ ആദിയ്ക്ക് പുതിയ കാലത്തെ സിനിമാ നടന്മാരുടെ എല്ലാ ഷേഡുകളും നല്‍കിയിട്ടുണ്ടെന്ന് ജിസ് ജോയ് പറയുന്നു.
ആന്റണി വര്‍ഗീസും നിമിഷ സജയനും ചിത്രത്തില്‍ ആസിഫിന്റെ സുഹൃത്തുക്കളായി വേഷമിടുന്നു.നിമിഷയുടെ കഥാപാത്രം ഇന്‍ഫോപാര്‍ക്കില്‍ വര്‍ക്ക് ചെയ്യുന്നു, ആന്റണിയുടേത് ഒരു ടെക്‌നീഷ്യനാണ്.
ആദിയുടെ കാമുകിയുടെ കഥാപാത്രത്തെ അവതരിപ്പിക്കുന്നത് റെബ മോണിക്കയാണ്.നിമിഷയുടെ കഥാപാത്രത്തിന് ഷാനി എന്നും ആന്റണിയുടേത് ശരത് എന്നും പേരിട്ടിരിക്കുന്നു.
ജിസ് ജോയ് ഒരു അഭിമുഖത്തിനിടെയാണ് ഇക്കാര്യം വെളിപ്പെടുത്തിയത്.
