നടി ആക്രമിക്കപ്പെട്ട കേസിന്റെ വിചാരണയിൽ നടൻ സിദ്ദിഖും നടി ഭാമയും കൂറുമാറിയ സംഭവത്തിൽ പ്രതികരണവുമായി സംവിധായകൻ ആഷിഖ് അബു. ക്രൂരതയ്‌ക്ക് അനുകൂലമായ നിലപാട് സ്വീകരിക്കുന്നതോടെ ഇവരും കുറ്റകൃത്യത്തിന്റെ അനുകൂലികളാവുകയാണ്. നിയമസംവിധാനങ്ങളുടെ അവസാന വാതിൽ അടയുന്നതുവരെയും ഇരയ്‌ക്കൊപ്പം തന്നെ ഉണ്ടാകുമെന്നും ആഷിഖ് അബു ഫേസ്‌ബുക്കിൽ കുറിച്ചു.
തലമുതിർന്ന നടനും നായികനടിയും കൂറുമാറിയതിൽ അതിശയമില്ല.
നടന്ന ക്രൂരതക്ക് അനൂകൂല നിലപാട് സ്വീകരിക്കുന്നതിലൂടെ ധാർമികമായി ഇവരും കുറ്റകൃത്യങ്ങളുടെ അനൂകൂലികളായി മാറുകയാണ്. ഇനിയും അനുകൂലികൾ ഒളിഞ്ഞും തെളിഞ്ഞും അണിചേരും. നിയമസംവിധാനത്തെ, പൊതുജനങ്ങളെയൊക്കെ എല്ലാകാലത്തേക്കും കബളിപ്പിക്കാമെന്ന് ഇവർ കരുതുന്നു.
