ബോക്സിംഗ് ഗ്ലൗ, അടി ഇടി, ആർഡിഎക്സിന് ശേഷം പെപ്പെ ആക്ഷൻ ട്രാക്കിൽ, തീപ്പാറുന്ന ഫൈറ്റ് രംഗങ്ങളുമായി ദാവീദ് ഒരുങ്ങുന്നു
ആര്‍ഡിഎക്‌സിന് പിന്നാലെ ആജിത്ത് മാമ്പള്ളി സിനിയാണ് ആന്റണി വര്‍ഗീസ് അഭിനയിച്ചത്. കടല്‍ സംഘര്‍ഷത്തിന്റെ പശ്ചാത്തലത്തില്‍ കഥ പറയുന്ന സിനിമയില്‍ രാജ് ബി ഷെട്ടി,ഷബീര്‍ കല്ലറക്കല്‍ എന്നിവരും പ്രധാനവേഷങ്ങളില്‍ എത്തുമെന്ന് റിപ്പോര്‍ട്ടുണ്ട്. ഇതിന് പിന്നാലെയാണ് മറ്റൊരു ആക്ഷന്‍ സിനിമയില്‍ കൂടി ആന്റണി പെപ്പെ ഭാഗമാകുന്നത്. ദാവീദ് എന്ന് പേരിട്ടിരിക്കുന്ന സിനിമ ഗോവിന്ദ് വിഷ്ണുവാണ് സംവിധാനം ചെയ്യുന്നത്. ആന്റണി വര്‍ഗീസിന് പുറമെ വിജയരാഘവന്‍,ലിജോമോള്‍ ജോസ്,സൈജു കുറിപ്പ്,കിച്ചു ടെല്ലര്‍,ജെസ്സ് കുക്കു,മുഹമ്മദ് കറക്കി എന്നിവരാണ് അഭിനയിക്കുന്നത്. ബോക്സിംഗ് പശ്ചാത്തലത്തിലുള്ള സിനിമയാകും ദാവീദെന്നാണ് സിനിമയുടെ ടൈറ്റില്‍ പോസ്റ്റര്‍ നല്‍കുന്നത്.
