കമല്‍ഹാസനെ നായകനാക്കി മണിരത്‌നം ഒരുക്കിയ തഗ്ലൈഫ് ഒരുപാട് പ്രേക്ഷകപ്രതീക്ഷകള്‍ക്കിടയില്‍ പുറത്തിറങ്ങിയ സിനിമയായിരുന്നു. തമിഴിലെ 2 വമ്പന്‍താരങ്ങളായ സിലമ്പരസനും കമല്‍ഹാസനും ഒരുമിച്ച് അഭിനയിക്കുന്നു എന്നതിന് പുറമെ നായകന്‍ എന്ന ക്ലാസിക് സിനിമയ്ക്ക് ശേഷം മണിരത്‌നവും കമല്‍ഹാസനും ഒന്നിക്കുന്നു എന്നതായിരുന്നു സിനിമയുടെ പ്രത്യേകത. മലയാളത്തില്‍ നിന്നും അഭിരാമിയും ജോജു ജോര്‍ജും ഹിന്ദിയില്‍ നിന്ന് അലി ഫസലുമെല്ലാം സിനിമയില്‍ ഭാഗമായിരുന്നു. എന്നാല്‍ തഗ് ലൈഫ് പുറത്തിറങ്ങിയതോടെ സിനിമയില്‍ അഭിനയിച്ചതിന് തനിക്ക് ഒരുപാട് വിമര്‍ശനങ്ങള്‍ കേള്‍ക്കേണ്ടിവന്നുവെന്ന് വ്യക്തമാക്കിയിരിക്കുകയാണ് അലി ഫസല്‍. ദ ഹോളിവുഡ് റിപ്പോര്‍ട്ടര്‍ ഇന്ത്യയോടായിരുന്നു അലി ഫസലിന്റെ പ്രതികരണം.
