അടുത്തിടെയായിരുന്നു നടൻ സുരേഷ് ഗോപിയുടെ മകൾ ഭാഗ്യ സുരേഷിൻ്റെ വിവാഹചടങ്ങുകൾ നടന്നത്. വിവാഹത്തിന് പ്രധാനമന്ത്രിയടക്കമുള്ള പ്രമുഖർ എത്തിയപ്പോൾ ദേശീയതലത്തിൽ തന്നെ വിവാഹചടങ്ങ് ചർച്ചയായി. ഭാഗ്യയുടെ വിവാഹത്തിൽ ഏറ്റവുമധികം തിളങ്ങിയത് സുരേഷ് ഗോപിയുടെ ഭാര്യയായ രാധിക സുരേഷ്ഗോപിയായിരുനു. സിമ്പിൾ മേക്കപ്പിൽ ചുവന്ന സാരിയിലെത്തിയ രാധികയുടെ ചിത്രങ്ങൾ പെട്ടെന്ന് തന്നെ സമൂഹമാധ്യമങ്ങളിൽ ചർച്ചയായി.
സുരേഷ് ഗോപിയുടെ ഭാര്യയുടെ കാര്യത്തിൽ ഏജ് ഇൻ റിവേഴ്സ് ഗിയർ എന്ന പ്രയോഗം സത്യമാണെന്നും ഈ പ്രായത്തിലെ ചിത്രങ്ങൾ നോക്കുകയാണെങ്കിൽ പഴയ ചിത്രങ്ങളേക്കാളും സുന്ദരിയായാണ് രാധികയെ കാണുന്നതെന്നും സമൂഹമാധ്യമങ്ങൾ പറയുന്നു. ഗോകുൽ സുരേഷിന് തന്നെ 30 വയസ് പ്രായമുള്ളപ്പോൾ രാധിക ഇപ്പോഴും ചെറുപ്പമാണെന്നാണ് സമൂഹമാധ്യമങ്ങൾ പറയുന്നത്. സന്തൂർ മമ്മിയെന്ന് രാധികയെ വിശേഷിപ്പിക്കുന്നവരും കുറവല്ല.
1990 ഫെബ്രുവരി എട്ടിനായിരുന്നു രാധികയുടെയും സുരേഷ് ഗോപിയുടെയും വിവാഹം. വിവാഹം കഴിക്കുമ്പോൾ സുരേഷ് ഗോപിക്ക് 31ഉം രാധികയ്ക്ക് 18 വയസുമായിരുന്നു പ്രായം. തന്നേക്കാൾ 13 വയസ് കുറവാണ് രാധികയ്ക്ക് എന്ന കാര്യം സുരേഷ് ഗോപി തന്നെ പലയിടങ്ങളിലും പറഞ്ഞിട്ടുണ്ട്. 30 വയസ്സുള്ള മക്കളുടെ അമ്മയാണ് രാധിക എന്ന് തോന്നിക്കാത്തതിൻ്റെ കാരണങ്ങളിൽ ഒന്ന് ഇത് തന്നെയെന്ന് പറയാം. വിവാഹനിശ്ചയത്തിൻ്റെ സമയത്തായിരുന്നു സുരേഷ് ഗോപിയും രാധികയും ആദ്യമായി പരസ്പരം കാണുന്നത്. സുരേഷ് ഗോപിയുമായുള്ള വിവാഹത്തിന് മുൻപ് സിനിമയിൽ പിന്നണി ഗായിക കൂടിയായിരുന്നു രാധിക. മരണപ്പെട്ടുപോയ മകൾ ലക്ഷ്മി സുരേഷ് ഉൾപ്പടെ ഭാഗ്യ,ഭാവ്നി,ഗോകുൽ,മാധവ് എന്നിങ്ങനെ അഞ്ച് മക്കളാണ് ദമ്പതികൾക്കുള്ളത്.
