ബോളിവുഡ് താരം ആമീര്‍ ഖാനും സംവിധായക കിരണ്‍ റാവുവും കഴിഞ്ഞ ജൂലൈയിലാണ് വിവാഹബന്ധം അവസാനിപ്പിച്ചത്. നിയമപരമായി തങ്ങള്‍ വേര്‍പിരിഞ്ഞ വിവരം ഇരുവരും അന്ന് അറിയിച്ചിരുന്നു. വിവാഹമോചന ശേഷവും തങ്ങള്‍ നല്ല സുഹൃത്തുക്കളായി തുടരുമെന്നാണ് ആമീര്‍ ഖാനും കിരണ്‍ റാവുവും അന്ന് പറഞ്ഞത്. ഇപ്പോള്‍ ഇതാ മകന്റെ ജന്മദിനം ആഘോഷിക്കാന്‍ ഇരുവരും ഒന്നിച്ചിരിക്കുന്നു. മകന്‍ ആസാദിന്റെ ജന്മദിനമാണ് ഇരുവരും ഒരുമിച്ച് ആഘോഷമാക്കിയത്. മകന്റെ ചുമതലകള്‍ പങ്കുവയ്ക്കുമെന്ന് വിവാഹമോചന ശേഷം ഇരുവരും പറഞ്ഞിരുന്നു.
