വര്‍ഷങ്ങളായുള്ള കാത്തിരിപ്പ് വിരാമം. മോഹന്‍ലാല്‍ - ലാല്‍ ജോസ് കൂട്ടുകെട്ടില്‍ പുറത്തിറങ്ങുന്ന പുതിയ ചിത്രത്തിന് പേരിട്ടു. മോഹന്‍ലാലിന്റെ ജന്മദിനത്തിലാണ് ‘വെളിപാടിന്റെ പുസ്തകം’ എന്ന പേര് ചിത്രത്തിന് നല്‍കിയിരിക്കുന്നത്. മോഹന്‍ലാല്‍ തന്നെയാണ് ചിത്രത്തിന്റെ പേര് തന്റെ ഫേസ്‌ബുക്ക് പേജിലൂടെ പുറത്തുവിട്ടത്.
മോഹന്‍ലാല്‍ കോളജ് പ്രൊഫസറായി എത്തുന്ന ഈ ചിത്രത്തില്‍ അങ്കമാലി ഡയറീസ് എന്ന ചിത്രത്തിലൂടെ ശ്രദ്ധേയയായ രേഷ്മ രാജനാണ് നായികയാകുന്നത്. സലിം കുമാര്‍, അനൂപ് മേനോന്‍, പ്രിയങ്ക എന്നിവരാണ് ചിത്രത്തിലെ മറ്റു പ്രധാന വേഷങ്ങള്‍ കൈകാര്യം ചെയ്യുന്നത്.
