ഫോര്‍ബ്സ് ഇന്ത്യയുടെ ഈ വര്‍ഷത്തെ 100 സെലിബ്രിറ്റികളുടെ പട്ടികയില്‍ സല്മാന് ഖാന്‍ ഒന്നാം സ്ഥാനത്ത്. കഴിഞ്ഞ രണ്ടുവര്‍ഷങ്ങളിലും ഒന്നാം സ്ഥാനത്തുനിന്ന ഷാരുഖ് ഖാനെ പിന്തള്ളിയാണ് സല്മാന് ഒന്നാമനായത്. ഷാരുഖ് മൂന്നാം സ്ഥാനത്താണ്. രണ്ടാം സ്ഥാനത്ത് ഇത്തവണയുള്ളത് സാക്ഷാല്‍ അമിതാഭ് ബച്ചന്‍. കഴിഞ്ഞ വര്‍ഷം ബിഗ്ബി അഞ്ചാമനായിരുന്നു.
കേരളത്തിലെ സെലിബ്രിറ്റികളാരും തന്നെ ഫോര്‍ബ്സിന്‍റെ പട്ടികയില്‍ ഇടം പിടിച്ചിട്ടില്ല. എന്നാല്‍ തമിഴില്‍ നിന്ന് ഒട്ടേറെ പേര്‍ പട്ടികയിലുണ്ട്. വിജയ്, രജനികാന്ത്, അജിത്, എ ആര്‍ റഹ്‌മാന്‍, എ ആര്‍ മുരുഗദോസ് തുടങ്ങിയവര്‍ ഈ പട്ടികയെ അലങ്കരിക്കുന്നു.
