തെലങ്കാനയിലും സീമാന്ധ്രയിലുമായി 350 തിയേറ്ററുകളിലാണ് മന്യം പുലി റിലീസ് ചെയ്തിരിക്കുന്നത്. ഇത്രയധികം തിയേറ്ററുകളില്‍ ഒരു അന്യഭാഷാ ചിത്രത്തിന്‍റെ, പ്രത്യേകിച്ച് ഒരു മലയാള ചിത്രത്തിന്‍റെ ഡബ്ബിംഗ് പതിപ്പിന് റിലീസ് കിട്ടുന്നത് തന്നെ ആദ്യമായാണ്.
മലയാളത്തില്‍ പുലിമുരുകന്‍ റിലീസ് ചെയ്തതിനേക്കാള്‍ ആവേശകരമായ സ്വീകരണമാണ് ചിത്രത്തിന്‍റെ തെലുങ്ക് പതിപ്പിന് ആന്ധ്രയില്‍ ലഭിക്കുന്നത്. ജനതാ ഗാരേജ് എന്ന 150 കോടി ക്ലബില്‍ ഇടം പിടിച്ച മോഹന്‍ലാല്‍ ചിത്രം എത്തിയതിന് പിന്നാലെയാണ് മന്യം പുലിയും എത്തിയിരിക്കുന്നത്. അവിടെയും ഇപ്പോള്‍ മോഹന്‍ലാല്‍ സൂപ്പര്‍താരമാണ്. ലക്ഷക്കണക്കിന് ആരാധകരാണ് തെലുങ്കില്‍ മോഹന്‍ലാലിന് ഉള്ളത്.
