ഈ സിനിമയുടെ തിരക്കഥയോട് വലിയ ഇഷ്ടം തോന്നിയതുകൊണ്ടാണ് താന്‍ ഈ ചിത്രത്തിന് പണം മുടക്കാന്‍ തയ്യാറായതെന്ന് നിര്‍മ്മാതാവ് ഷാജി നടേശന്‍ മലയാളം വെബ്‌ദുനിയയോട് പറഞ്ഞു. “അതിമനോഹരമായ തിരക്കഥയായിരുന്നു ശങ്കറിന്‍റേത്. ഇതിലെ താരങ്ങളെ തെരഞ്ഞെടുക്കാനുള്ള ക്യാമ്പൊക്കെ ഗംഭീരമായിരുന്നു. ആ ക്യാമ്പില്‍ നിന്ന് പുറത്തുവന്ന പ്രതിഭകള്‍ കഥാപാത്രങ്ങളായി ജീവിക്കുക തന്നെ ചെയ്തു” - ഷാജി നടേശന്‍ പറയുന്നു.
“ഈ സിനിമയിലെ സ്കൂള്‍ കാലം അഭിനയിക്കാമെന്ന് ദുല്‍ക്കറൊക്കെ സമ്മതിച്ചിരുന്നതാണ്. എന്നാല്‍ പൂര്‍ണമായും കുട്ടികളെ അവതരിപ്പിച്ച് ഒരു റിയലിസ്റ്റിക് അപ്രോച്ച് മതിയെന്ന് തീരുമാനിക്കുകയായിരുന്നു. എന്നാല്‍ പതിനെട്ടാം പടി റിലീസായ ശേഷം ഇതൊരു സൂപ്പര്‍താര സിനിമ സ്വീകരിക്കപ്പെടുന്ന രീതിയില്‍ സ്വീകരിക്കപ്പെടുകയാണ്” - ഷാജി വെളിപ്പെടുത്തി.
