ജീവിതത്തിന്‍റെ സര്‍വ്വ ദുഃഖങ്ങളും പേറിവന്ന ചെറുപ്പക്കാരനാണ് കലാഭവന്‍ മണി. അങ്ങനെയുള്ള ഒരു ചെറുപ്പക്കാരനോട് നീതികാണിക്കാന്‍ നമുക്ക് കഴിഞ്ഞില്ല. മികച്ച നടനുള്ള സംസ്ഥാന അവാര്‍ഡ് ദുല്‍ക്കര്‍ സല്‍മാനും നിവിന്‍ പോളിക്കും നല്‍കിയപ്പോള്‍ ‘ചെറുപ്പക്കാര്‍ വളര്‍ന്നുവരട്ടെ’ എന്നായിരുന്നു ജൂറി പറഞ്ഞ ന്യായം. എന്നാല്‍ ഇരുപത്തേഴാം വയസില്‍ കലാഭവന്‍ മണി ചെയ്ത വാസന്തിയും ലക്‍ഷ്മിയും പിന്നെ ഞാനും എന്ന ചിത്രത്തിലെ അന്ധഗായകന് അവാര്‍ഡ് നല്‍കാന്‍ ഈ ന്യായം കണ്ടില്ല. ഒരു വരേണ്യവര്‍ഗം സിനിമയില്‍ ഉണ്ടെന്നാണ് മണിയുടെ ഈ അനുഭവങ്ങള്‍ ഓര്‍മ്മിപ്പിക്കുന്നത് - വേലൂര്‍ പുനര്‍ജ്ജനി ജീവജ്വാല കലാസമിതി സംഘടിപ്പിച്ച കലാഭവന്‍ മണി അനുസ്മരണത്തില്‍ വിനയന്‍ പറഞ്ഞു.
