“ആളുകള്‍, അവര്‍ എന്‍റെ ആരാധകര്‍ ആണെങ്കില്‍, എന്‍റെ സിനിമ ചിലപ്പോള്‍ അത്ര നല്ലതല്ലെങ്കിലും അത് കാണാന്‍ അവര്‍ തിയേറ്ററില്‍ വരുന്നു. എന്നാല്‍ ഞാന്‍ തുടര്‍ച്ചയായി മോശം സിനിമകള്‍ നല്‍കിക്കൊണ്ടിരുന്നാലോ? ആരും എന്നെ കാണാന്‍ തിയേറ്ററിലെത്തില്ല. നല്ല സിനിമ നല്‍കുക എന്നതാണ് അപ്പോള്‍ പ്രധാനം” - കഴിഞ്ഞ ദിവസം ഒരു ഫിലിം ഫെസ്റ്റിവലില്‍ പങ്കെടുത്തുകൊണ്ട് ദുല്‍ക്കര്‍ വ്യക്തമാക്കി.
“ഒരു കഥയില്‍, എനിക്കായി മാറ്റിവയ്ക്കപ്പെട്ടിരിക്കുന്ന കഥാപാത്രത്തില്‍ എനിക്ക് എന്നെ കണ്ടെത്താനായില്ലെങ്കില്‍ ഞാന്‍ ആ സിനിമയുടെ ഭാഗമാകില്ല. എനിക്ക് ബോധ്യപ്പെടാതെ ഞാന്‍ സിനിമ ചെയ്യില്ല. തിരക്കഥകള്‍ തിരഞ്ഞെടുക്കുന്നതില്‍ ഞാന്‍ സ്വീകരിച്ചിരിക്കുന്ന മാനദണ്ഡം എല്ലാവര്‍ക്കും ബാധകമാണെന്നാണ് ഞാന്‍ കരുതുന്നത്” - ദുല്‍ക്കര്‍ പറയുന്നു.
