രാജ്യത്തെ മുഴുവന്‍, ബാങ്ക് ക്യൂവിലേക്ക് ചുരുക്കിയ നടപടിയായിരുന്നു നോട്ട് നിരോധനം. അതിന്‍റെ സങ്കടക്കാഴ്ചകള്‍ ഇനിയും തീര്‍ന്നിട്ടില്ല. എ ടി എമ്മുകളില്‍ നിന്ന് പണമെടുക്കുന്നതിനുള്ള നിയന്ത്രണത്തില്‍ അയവ് വരുത്തിയെങ്കിലും പല സ്ഥലങ്ങളിലും എ ടി എമ്മുകള്‍ പ്രവര്‍ത്തനരഹിതമാണ് എന്നതാണ് വസ്തുത.
രാജ്യത്തെ ജനങ്ങള്‍ സഹിച്ച ത്യാഗത്തിന് പ്രധാനമന്ത്രി ഇതിനോടകം പലതവണ നന്ദി പറഞ്ഞിട്ടുണ്ടെങ്കിലും അതൊന്നും അനുഭവിച്ച ദുരിതാവസ്ഥയ്ക്ക് പകരമാകില്ലല്ലോ. അതുകൊണ്ടുതന്നെ ബജറ്റില്‍ സാധാരണക്കാര്‍ക്ക് ഉതകുന്ന രീതിയിലുള്ള അനവധി പദ്ധതികള്‍ ഉണ്ടാകുമെന്നാണ് പ്രതീക്ഷ. കാര്‍ഷിക മേഖലയ്ക്ക് ഒട്ടേറെ ആശ്വാസ പദ്ധതികള്‍ വന്നേക്കാം. കൂടുതല്‍ ഇറിഗേഷന്‍ പദ്ധതികളും പ്രഖ്യാപിക്കാന്‍ സാധ്യതയുണ്ട്.
