നേരത്തെ തന്നെ വില കുറഞ്ഞ പല സ്മാര്‍ട്ട് ഫോണുകളും വിപണിയില്‍ അവതരിപ്പിച്ചവരാണ് പ്രമുഖ ചൈനീസ് സ്മാര്‍ട്ട്ഫോണ്‍ നിര്‍മാതാക്കളായ ഷവോമി. വില കുറവ് മാത്രമല്ല, മികച്ച സവിശേഷതകളാണ് ഷവോമിയുടെ ഏറ്റവും വലിയ പ്രത്യേകത. ഇപ്പോള്‍ ഇതാ ഒരിക്കല്‍ കൂടി വിപണിയെ ഞെട്ടിച്ച് ഷവോമി എത്തിയിരിക്കുന്നു.
‘റെഡ്മി 5 എ’ എന്ന പുതിയ സ്മാര്‍ട്ട്ഫോണുമായാണ് അവര്‍ എത്തിയിരിക്കുന്നത്. 4999 രൂപ മുതലാണ് ഫോണ്‍ ലഭ്യമാകുക. 5,999, 6,999 എന്നിങ്ങനെയാണ് രണ്ട് വേരിയന്റുകളുടെ വിലയെങ്കിലും 1000 രൂപയുടെ ഡിസകൗണ്ടും ഷവോമി നല്‍കുന്നുണ്ട്. 2 ജിബി/3 ജിബി റാം വേരിയന്റിലാണ് ഫോണുകള്‍ ലഭ്യമാകുക.
അഞ്ച് ഇഞ്ച് എച്ച് ഡി ഡിസപ്ലേയാണ് ഇരുഫോണുകള്‍ക്കും നല്‍കിയിരിക്കുന്നത്. 1.4 ജിഗാഹെഡ്‌സ് ക്വാഡകോര്‍ സനാപ്ഡ്രാഗണ്‍ 425 പ്രൊസസര്‍ 16 ജി.ബി ഇന്റേണല്‍ സറ്റോറേജ്, 13എം‌പി റിയര്‍ ക്യാമറ , 5എം‌പി സെല്‍ഫി ക്യാമറ, 3000 എം‌എ‌എച്ച് ബാറ്ററി എന്നീ ഫീച്ചറുകളും ഫോണിലുണ്ട്.
