ഷവോമിയുടെ ഏറ്റവും പുതിയ സ്മാര്‍ട്ട്ഫോണ്‍ എംഐ മിക്സ് 2 ഇന്ത്യയിലെത്തി. ചൈനയിലാണ് കഴിഞ്ഞ മാസമായിരുന്നു ഈ ഫോണ്‍ ആദ്യമായി അവതരിപ്പിച്ചത്. ബെസല്‍ ലെസ് എഡ്ജ് ടു എഡ്ജ് ഡിസ്പ്ലേയാണ് ഈ ഫോണിന്റെ ഏറ്റവും വലിയ പ്രത്യേകത. എംഐ 5 എന്ന മോഡലിനു ശേഷം ഇന്ത്യയില്‍ ഈ വര്‍ഷം ഷവോമി അവതരിപ്പിക്കുന്ന പ്രീമിയം ഗാഡ്ജറ്റ് കൂടിയാണ് എംഐ മിക്സ് 2.
5.99 ഇഞ്ച് ഫുള്‍ എച്ച് ഡി സ്ക്രീനാണ് ഫോണിലുള്ളത്. ആന്‍ഡ്രോയ്ഡ് 7.1ല്‍ പ്രവര്‍ത്തിക്കുന്ന ഈ ഫോണില്‍ സ്നാപ് ഡ്രാഗണ്‍ 835 പ്രോസ്സസറാണുള്ളത്. 3400 എംഎഎച്ച് ബാറ്ററി, 12എംപി റിയര്‍ ക്യാമറ , 5 എംപി സെല്‍ഫി ക്യാമറ, ഫിംഗര്‍ പ്രിന്‍റ് സ്കാനര്‍ എന്നീ ഫീച്ചറുകളും ഈ ഫോണിലുണ്ട്.
സ്റ്റോറേജിന്റെ അടിസ്ഥാനത്തില്‍ മൂന്ന് വേരിയന്റുകളിലാണ് എംഐ മിക്സ് 2 വിപണിയിലേക്കെത്തുന്നത്. എല്ലാ വേരിയന്റിലും 6ജിബി റാമാണ് നല്‍കിയിരിക്കുന്നത്. 64ജിബി പതിപ്പിന് 33,000 രൂപയും 128 ജിബി പതിപ്പിന് 36,000 രൂപയും 256 ജിബി പതിപ്പിന് 40,000 രൂപയുമാണ് വില.
