കഴിഞ്ഞ 14 മാസത്തിനുള്ളിൽ 20 ലക്ഷം സ്മാർട്ട് ടി വികളാണ് ഷവോമി രാജ്യത്ത് വിറ്റഴിച്ചത്. ഷവോമി തന്നെയാണ് ഇക്കാര്യം വാർത്താ കുറിപ്പിലൂടെ അറിയിച്ചത്. കുറഞ്ഞ വിലയിൽ മികച്ച സൗകര്യങ്ങൾ ഉൾക്കോള്ളുന്ന സ്മാർട്ട് ടിവികൾ ഉപയോക്താക്കൾക്ക് ലഭ്യമാക്കുന്നു എന്നതാണ് രാജ്യത്ത് എം ഐ ടെലിവിഷനുകൾ വലിയ വിജയകരമാകാൻ കാരണം. ഓൻലൈൻ വ്യാപാര സൈറ്റുകൾ വഴിയും എം ഐ ഡോട്‌കോം വഴിയും മികച്ച ഓഫറുകൾ നൽകിയതും എം ഐ സ്മാർട്ട് ടിവികളുടെ വിൽപ്പന വർധിക്കാൻ കാരണമായി.
ഇന്ത്യയിൽ മികച്ച സ്മാർട്ട് ടിവി ബ്രാൻഡ് ഷവോമിയാണ് എന്നാണ് ഐ ഡി സി സ്മാർട്ട് ഹോം ഡിവൈസ് ട്രാക്കർ റിപ്പോർട്ടിൽ കണ്ടെത്തിയിരിക്കുന്നത്. എട്ട് സ്മാർട്ട് ടിവി മോഡലുകളെയാണ് ഷവോമി ഇന്ത്യയിൽ വിൽപ്പനക്കെത്തിച്ചിരിക്കുന്നത്. 12,499 രൂപക്ക് വിൽക്കുന്ന എം ഐ 4A 32 ഇഞ്ച് എൽ ഇ ഡി സ്മാർട്ട് ടിവിയാണ് എറ്റവും കുറഞ്ഞ വിലയിൽ വിൽക്കുന്ന എം ഐ സ്മാർട്ട് ടി വി.
