ടിയാഗോ ഹാച്ച്ബാക്കിന്റെ ക്രോസോവർ പതിപ്പായാണ് ആക്ടീവ് എത്തുന്നത്. ഉടന്‍ തന്നെ ഈ മോഡല്‍ വിപണിയിലെത്തുമെന്നാണ് റിപ്പോര്‍ട്ടുകള്‍ നല്‍കുന്ന സൂചന. മെക്കാനിക്കൽ ഫീച്ചറുകളിൽ കാര്യമായ മാറ്റങ്ങളൊന്നുമില്ലാതെയായിരിക്കും ആക്ടീവ് എത്തുകയെന്നും റിപ്പോര്‍ട്ടിലുണ്ട്. ഡീസൽ, പെട്രോൾ വകഭേദങ്ങളിലായിരിക്കും ടിയാഗോയുടെ ആക്ടീവ് പതിപ്പിന്റെ അവതരണം.
മുന്നിലേയും പിന്നിലേയും ബംബറുകളിലെ ബ്ലാക്ക് ക്ലാഡിംഗ്, സിൽവർ കളറിലുള്ള ബാഷ് പ്ലെയിറ്റ്, സൈഡ് ബോഡി ക്ലാഡിംഗ്, സിൽവർ ഫിനിഷ് റൂഫ്റെയിൽസ്, ബ്ലാക്ക് നിറത്തിലുള്ള റൂഫും മിററുകളും, ഗൺമെറ്റൽ അലോയ് വീലുകൾ എന്നിങ്ങനെയുള്ള പുതുമകളാണ് എക്സ്റ്റീരിയിൽ ഉൾക്കൊള്ളിച്ചിട്ടുള്ളത്. ലെതർ സീറ്റുകളും കളർ പാനലുകളും നല്‍കിയതാണ് ഇന്റീരിയറിലെ ഏകമാറ്റം.
