പുറം മോഡിയിലുള്ള കോസ്മറ്റിക് അപ്‌ഡേറ്റുകളാണ് സ്വിഫ്റ്റ് സ്‌പോര്‍ട്ട് സലോണിന്റെ മുഖ്യ ആകര്‍ഷണം. ലിമിറ്റഡ് എഡിഷന്‍ ടാഗോടെയായിരിക്കും ഈ പെര്‍ഫോര്‍മന്‍സ് ഹാച്ച്ബാക്കിന്റെ പുതിയ പതിപ്പിനെ സുസൂക്കി വിപണിയില്‍ എത്തിക്കുകയെന്നാണ് റിപ്പോര്‍ട്ട്. 1.4 ലിറ്റര്‍ ടര്‍ബ്ബോചാര്‍ജ്ഡ് എഞ്ചിനായിരിക്കും ഹാച്ചിന് കരുത്തേകുകയെന്നും റിപ്പോര്‍ട്ടില്‍ പറയുന്നു.
പിന്‍ഡോറുകള്‍ക്ക് നല്‍കിയിരിക്കുന്ന സ്‌പോര്‍ട് ബ്രാന്‍ഡിംഗ്, അഗ്രസീവ് ഡീക്കലുകള്‍, പുത്തന്‍ ഡിസൈനിലുള്ള ബ്ലാക് അലോയ് വീലുകള്‍, ലെതര്‍ റാപ്പ്ഡ് ഫ്‌ളാറ്റ്‌ബോട്ടം സ്റ്റീയറിംഗ് വീല്‍, റെഡ് കോണ്‍ട്രാസ്റ്റ് സ്റ്റിച്ചിംഗോട് കൂടിയ സ്‌പോര്‍ട്‌സ് സീറ്റുകള്‍, ഇന്‍സ്ട്രമെന്റ് പാനലില്‍ ഒരുങ്ങിയ റെഡ് ഡയലുകള്‍ എന്നീ ഫീച്ചറുകളും സലോണില്‍ നല്‍കിയിട്ടുണ്ട്.
