കേവലം രണ്ടായിരം രൂപയ്‌ക്ക് ഇന്റര്‍നെറ്റ്‌ ഉള്‍പ്പടെ സ്മാര്‍ട്ട് ഫോണ്‍ സൌകര്യങ്ങള്‍ നല്‍കുന്ന ഫീച്ചര്‍ ഫോണുമായു മൈക്രോസോഫ്റ്റ് കളം പിടിക്കാനൊരുങ്ങുന്നു. ഫേസ് ബുക്ക്, മെസഞ്ജര്‍, ജിപിആര്‍എസ്‌, എഫഎം റേഡിയോ, മൈക്രോ-യുഎസ്‌ബി ഓപ്പറാ മിനി ബ്രൗസര്‍, ബിംഗ്‌ സേര്‍ച്ച്‌ തുടങ്ങിയ സൌകര്യങ്ങള്‍ക്കൊപ്പം 32 ജിബി മെമ്മറി, 0.3 മെഗാപിക്‌സല്‍ ഫിക്‌സഡ്‌ ഫോക്കസ്‌ ക്യാമറ, ബ്‌ളൂ ടൂത്ത്‌ 3.0, എന്നീ സൌകര്യങ്ങളിം മൈക്രോസോഫ്റ്റ് പുറത്തിറക്കാന്‍ പോകുന്ന പുതിയ ഫീച്ചര്‍ ഫോണിലുണ്ട്‍.
ബുധനാഴ്‌ച ഇന്ത്യന്‍ വിപണിയില്‍ എത്തിയ ഫോണിന്‌ വില 2,149 രൂപമാത്രമാണ് വില. നോക്കിയ 215 എന്ന് പേരിട്ടിരിക്കുന്ന ഫോണ്‍ ഡ്യൂവല്‍ സിം സൌകര്യമുള്ളതാണ്. 2.4 ഇഞ്ച്‌ ഡിസ്‌പ്ളേ, 110 എംഎഎച്ച്‌ ബാറ്ററി എന്നിവകൂടാതെ ഫേസ്‌ബുക്ക്‌ പോലെയുള്ള സാമൂഹ്യസൈറ്റുകള്‍ ഉള്‍പ്പെടെ അനേകം ആധുനിക സാങ്കേതിക സംവിധാനങ്ങള്‍ മൈക്രോസോഫ്റ്റ് ഇതില്‍ ഉള്‍പ്പെടുത്തിയിട്ടുണ്ട്. ഒമ്പതു പ്രാദേശികഭാഷകളിലുള്ള ഫേസ്‌ബുക്ക്‌ ഉപയോക്‌താക്കള്‍ക്ക്‌ അക്‌സസ്‌ ചെയ്യാനാകും.
നോക്കിയാ സീരീസ്‌ 30 പ്‌ളസ്‌ ആണ്‌ ഓപ്പറേറ്റിംഗ്‌ സിസ്‌റ്റം. ബ്രൈറ്റ്‌ ഗ്രീന്‍, ബ്‌ളാക്ക്‌, വൈറ്റ്‌ നിറങ്ങളില്‍ ഹാന്‍ഡ്‌സെറ്റ്‌ ലഭ്യമാകും. കഴിഞ്ഞയാഴ്‌ച മൈക്രോസോഫ്റ്റ് ലൂമിയ 532 ഡ്യൂയല്‍ സിം, ലൂമിയ 435 ഡ്യൂവല്‍ സിം ഹാന്‍ഡ്‌സെറ്റുകള്‍ ഔദ്യോഗികമായി അവതരിപ്പിച്ചിരുന്നു. ഇന്ത്യയില്‍ ഏറ്റവും കൂടുതല്‍ ഉപയോക്‌താക്കളുള്ള ഫീച്ചര്‍ ഫോണില്‍ ഇന്റര്‍നെറ്റ്‌ ഉള്‍പ്പെടുത്തിയുള്ള ആദ്യ ഹാന്‍ഡ്‌സെറ്റായിരിക്കും ഇതെന്നാണ്‌ കമ്പനി അവകാശപ്പെടുന്നത്‌.
