തൃശ്ശൂര്‍ ആസ്ഥാനമായുള്ള പ്രമുഖ ജ്വല്ലറി ഗ്രൂപ്പായ ജോയ് ആലുക്കാസ് അടുത്ത സാമ്പത്തിക വര്‍ഷത്തില്‍ രാജ്യത്തും പുറത്തുമായി പുതിയ 30 ഷോറൂമുകള്‍ തുറക്കും. ഇന്ത്യയില്‍ 20 ഉം യൂറോപ്പ്, യുഎസ്, ശ്രീലങ്ക എന്നിവിടങ്ങളിലായി 10 സ്റ്റോറുകളുമാണ് തുറക്കുന്നത്. ഏകദേശം 1500 കോടി രൂപയാണ് ഈ ഷോറൂമുകള്‍ക്കായി ഗ്രൂപ്പ് മുതല്‍മുടക്കുന്നത്.
സിംഗപ്പൂര്‍, യുഎഇ, സൗദി, ബഹറൈന്‍, ഒമാന്‍, കുവൈത്ത്, ഖത്തര്‍ എന്നിവിടങ്ങളില്‍ സാന്നിധ്യമുള്ള ഗ്രൂപ്പിന് നിലവില്‍ ഇന്ത്യയില്‍ 51 ഉം വിദേശത്ത് 44 ഷോറൂമുകളുമാണ് ഉള്ളത്. പുതിയ ഷോറൂമുകള്‍ക്കായി പ്രൈവറ്റ് ഇക്വിറ്റി വഴി പണം സമാഹരിക്കാനാണ് ഗ്രൂപ്പിന്റെ പദ്ധതി.
