സംസ്ഥാനത്ത് തുടർച്ചയായ രണ്ടാം ദിവസവും സ്വർണവിലയിൽ വർധന. പവന് 280 രൂപ കൂടി 38,200 നിലവാരത്തിലാണ് വ്യാപാരം നടക്കുന്നത്. ഒരു ഗ്രാം സ്വർണ്ണത്തിന്റെ വില 4775 ആയി.
കഴിഞ്ഞ ഏതാനും ദിവസങ്ങളിലായി സംസ്ഥാനത്ത് സ്വർണവില ചാഞ്ചാട്ടത്തിലാണ്. ഈ മാസം 9ന് 40,000 കടന്ന സ്വർണ്ണവില പിന്നീടുള്ള ദിവസങ്ങളിൽ കുറയുകയായിരുന്നു.യുക്രെയ്‌ൻ യുദ്ധത്തെ തുടർന്ന് രാജ്യാന്തര വിപണിയിലുള്ള അനിശ്ചിതത്വമാണ് വിപണിയിൽ പ്രതിഫലിക്കുന്നത്.
