വിജയ് മല്യയുടെ ‘കിങ്‌ഫിഷര്‍ വില്ല’ ലേലം ചെയ്യുന്നു; നോര്‍ത്ത് ഗോവയിലുള്ള വില്ലയ്ക്ക് പ്രതീക്ഷിക്കുന്നത് 85.29 കോടി രൂപ

വിവാദ മദ്യവ്യവസായി വിജയ് മല്യയുടെ ‘കിങ്‌ഫിഷര്‍ വില്ല’ ലേലം ചെയ്യുന്നു. നോര്‍ത്ത് ഗോവയിലെ കോണ്ടോലിമിലുള്ള വില്ലയ്ക്ക് 85.29 കോടി രൂപയാണ് പ്രതീക്ഷിക്കുന്നത്. ഒക്‌ടോബര്‍ 19ന് പരസ്യലേലത്തിലൂടെ ആയിരിക്കും വില്ല വില്‍ക്കുക. എസ് ബി ഐ ട്രസ്റ്റിയാണ് ഇക്കാര്യം അറിയിച്ചത്.

എസ് ബി ഐ ഉള്‍പ്പെടെ 17 ബാങ്കുകള്‍ ഉള്‍പ്പെട്ട കണ്‍സോര്‍ഷ്യത്തിന് നല്‍കാനുള്ള 9000 കോടി രൂപയുടെ വായ്പാകുടിശിക തിരിച്ചു പിടിക്കുന്നതിനാണ് നടപടി. കിങ്ഫിഷര്‍ വില്ല പണയപ്പെടുത്തി 2010ലാണ് എസ് ബി ഐയില്‍ നിന്ന് വായ്പ എടുത്തത്.