ഉയർന്ന പ്രകടനക്ഷമതയുള്ള ഒരു മോട്ടോർസൈക്കിളിനെ അവെഞ്ചർ ശ്രേണിയിലേക്ക് ഉൾപ്പെടുത്താന്‍ ബജാജ് തയ്യാറെടുക്കുന്നു. അവെഞ്ചറില്‍ നിന്നു തന്നെയുള്ള പ്രകടനക്ഷമതയേറിയ ക്രൂസർ ബൈക്കായിരിക്കുമിതെന്നാണ് റിപ്പോര്‍ട്ടുകള്‍ പറയുന്നത്. എക്സ്ഷോറൂം വില 1.75 ലക്ഷത്തിനായിരിക്കും ഈ ബൈക്ക് വിപണിയിലെത്തിച്ചേരുക.
നിലവിലെ അവെഞ്ചർ ബൈക്കുകൾക്ക് കരുത്തേകുന്ന 375സിസി സിങ്കിൾ സിലിണ്ടർ എൻജിൻ തന്നെയായിരിക്കും ഇതിലും ഉപയോഗപ്പെടുത്തുക. എന്നാൽ ക്രൂസർ ബൈക്ക് എന്ന നിലയിൽ മികച്ച ടോർക്കും പവറും നൽകുന്നതിന് വേണ്ടി എൻജിനിൽ ചില മാറ്റങ്ങൾ വരുത്തുമെന്ന് കമ്പനി അറിയിച്ചു. ഈ വർഷം പകുതിയോടെയായിരിക്കും അവെഞ്ചർ 400-ന്റെ അരങ്ങേറ്റമെന്നാണ് പുറത്തുവരുന്ന വിവരം.