സ്മാർട്ട്ഫോൺ നിർമാതാക്കളില്‍ പ്രമുഖരായ മൈക്രോമാക്സ് തങ്ങളുടെ രണ്ട് പുതിയ പ്രൊഡക്ടുകളുമായി വിപണിയിലെത്തി. യുനൈറ്റ് 4, യുനൈറ്റ് പ്രോ 4 എന്നീ പേരുകളിലാണ് പുതിയ സ്മാര്‍ട്ട്ഫോണുകള്‍ വിപണിയിലെത്തിയിരിക്കുന്നത്.
ഫിംഗര്‍പ്രിന്റ് സ്‌കാനർ, ഡ്യുവല്‍ സിം സപ്പോര്‍ട്ട്, 8 മെഗാപിക്‌സൽ പിൻക്യാമറ, 5 മെഗാപിക്‌സൽ സെൽഫി ക്യാമറ എന്നിവയാണ് ഫോണുകളുടെ പ്രധാന ഫീച്ചറുകള്‍. രണ്ട് മോഡലുകളിലും 5 ഇഞ്ച് എച്ച്ഡി ഡിസ്‌പ്ലേയാണ് ഉള്ളത്.
ആന്‍ഡ്രോയ്ഡ് 6.0 ഒഎസുള്ള യുനൈറ്റ് 4ന് 1 ജിബി റാം, 8 ജിബി സ്‌റ്റോറേജ്, 2500 എംഎഎച്ച് ബാറ്ററി എന്നിവയാണുള്ളത്. എന്നാല്‍ ആന്‍ഡ്രോയ്ഡ് 5.1 ലോലിപ്പോപ്പ് ഉപയോഗിച്ചിരിക്കുന്ന യുനൈറ്റ് പ്രോ 4ല്‍ 2 ജിബി റാമും 16 ജിബി സ്‌റ്റോറേജും 2500 എംഎഎച്ച് ബാറ്ററിയുമാണുള്ളത്.
