സെൻസെക്‌സ് 18.82 പോയന്റ് നഷ്ടത്തിൽ 52,861.18ലും നിഫ്റ്റി 16.10 പോയന്റ് താഴ്ന്ന് 15,818.30ലുമാണ് വ്യാപാരം അവസാനിപ്പിച്ചത്. ചിപ് ക്ഷാമം ലാൻഡ് റോവറിന്റെ ഉത്‌പാദനത്തെ ബാധിക്കുമെന്ന റിപ്പോർട്ടുകൾ വന്നതാണ് ടാറ്റ മോട്ടോഴ്‌സ് ഓഹരിയെ ബാധിച്ചത്. 9 ശതമാനത്തോളമാണ് ഓഹരികൾ ഇടിഞ്ഞത്.
അതേസമയം നിഫ്റ്റി ബാങ്ക് സൂചിക ഒരുശതമാനം ഉയർന്നു. ബിഎസ്ഇ മിഡ്ക്യാപ് സൂചിക നേരിയനേട്ടമുണ്ടാക്കിയപ്പോൾ സ്‌മോൾ ക്യാപ് നഷ്ടംനേരിട്ടു.ഓഹരി വിപണി നഷ്ടംനേരിട്ടത് രൂപയുടെ മൂല്യത്തെയും ബാധിച്ചു. ഡോളറിനെതിരെ 74.55 നിലവാരത്തിലാണ് രൂപയുടെ മൂല്യം ക്ലോസ് ചെയ്‌തത്.