ഓൾ ഇംഗ്ലണ്ട് ബാഡ്മിന്‍റണ്‍ ഓപ്പണ്‍ ചാമ്പ്യന്‍ഷിപില്‍ നിന്ന് ഇന്ത്യയുടെ സൈന നെഹ്‌വാള്‍ പുറത്ത്. ക്വാർട്ടർ ഫൈനലിൽ കൊറിയൻ താരവും മൂന്നാം സീഡുമായ സംഗ് ജി ഹ്യൂനിനോട് നേരിട്ടുള്ള ഗെയിമുകൾക്കാണ് (20-22, 20-22) സൈന കീഴടങ്ങിയത്.
മത്സരത്തിന്റെ ആദ്യ ഘട്ടത്തില്‍ സൈന കൊറിയൻ താരത്തിനെതിരെ മികച്ച ഫോമിലാണ് കളിച്ചത്. ആദ്യ ഗെയിമിന്‍റെ ഒരുഘട്ടത്തിൽ 11-7 എന്ന സ്കോറിന് സൈന മുന്നിൽ എത്തിയെങ്കിലും കൊറിയന്‍ താരം ശക്തമായി തിരിച്ചടിച്ചതോടെ സൈന പിന്നിലായി.
നേരത്തെ, മറ്റൊരു ഇന്ത്യൻ പ്രതീക്ഷയായിരുന്ന പി വി സിന്ധുവും ടൂര്‍ണമെന്റില്‍ നിന്ന് തോറ്റു പുറത്തായിരുന്നു. ക്വാർട്ടറിൽ ലോക ഒന്നാം നമ്പർ തായ് സു യിംഗിനോട് 21-14, 21-10 എന്ന സ്കോറിനായിരുന്നു സിന്ധു പരാജയപ്പെട്ടത്.