ജ്വാലഗുട്ടയ്ക്ക് പരുക്ക്; ഏഷ്യന്‍ ഗെയിംസിനില്ല
ഇന്ത്യന്‍ ബാഡ്മിന്‍റണ്‍ താരം ജ്വാലഗുട്ട ഏഷ്യന്‍ ഗെയിംസില്‍ നിന്ന് പിന്മാറി. കാല്‍മുട്ടിനേറ്റ പരുക്കാണ് ഗെയിംസില്‍ നിന്ന് പിന്മാറാനുള്ള കാരണമെന്ന് താരമറിയിച്ചു.
ഏഷ്യന്‍ ഗെയിംസിനുള്ള തയാറെടുപ്പുകള്‍ക്കിടെ ജ്വാലയ്ക്ക് വലത് കാല്‍മുട്ടിന് പരിക്കേറ്റ് നീരു വരികയായിരുന്നു. തുടര്‍ന്ന് ഡോക്ടര്‍മാര്‍ രണ്ടാഴ്ച പൂര്‍ണ വിശ്രമത്തിന് നിര്‍ദേശിച്ചു. ദക്ഷിണ കൊറിയയിലെ ഇഞ്ചിയോണാണ് അടുത്ത എഷ്യന്‍ ഗെയിംസിന് വേദിയാകുന്നത്.
